سلطة الشاورما

[size=21]السلام عليكم ورحمة الله وبركاته


السلطه راح تكون على شكل طبقات .. يعني حطي طبقه فوق طبقه وبدون خلط اوكي

نجيب المله او الوعاء اللي بنقدم فيه السلطه ..


[img]http://www.3roos.com/up3/shaorma1.jpg[/img]

كوب ونص بقدونس مفروم ناعم ..


[img]http://www.3roos.com/up3/shaorma2.jpg[/img]


بصل ابيض مقطع لأجنحه نخلطه مع سماق .. ونحطه فوق البقدونس ..

[img]http://www.3roos.com/up3/shaorma3.jpg[/img]

بهالخطوه نكون سالقين نص دجاجه وشايلين الجلد و العظم ومقطعينها قطع صغيره مثل الصوره ..
ننقع الدجاج في : (علبة روب + رشة ملح+رشة فلفل اسود مطحون+ عصير ليمونه) ..
الأفضل في بداية تجهيز الطبق نجهز الدجاج عشان نعطيه مجال يتخمر .. و كثر ما خلينه في الخلطه كان الطعم ألذ ..
ناخذ الدجاج .. و نقليه بشوية زبده مع رشة من البهارات اللي تحبينها ..ولو عندج بهارات الشاورما بتكون احلى لكن لا تكثرين .. نقلب الدجاج قلبتين فقط عشان يتحمر ..
ونحطه فوق الطبقه السابقه

[img]http://www.3roos.com/up3/shaorma4.jpg[/img]
بطاطا مقطعه الى اصابع او شرائح طوليه .. وممكن نستخدم اصابع البطاطا المجمده ..
ونقليها على جنب .. و نحطها فوق طبقة الدجاج ..

[img]http://www.3roos.com/up3/shaorma5.jpg[/img]

في وعاء جانبي نخلط : ( علبة روب + ملعقة مايونيز + ملعقه طحينه اللي نسميها الهرده + فص ثوم مدقوق + رشة ملح + عصرة ليمون )

[img]http://www.3roos.com/up3/shaorma6.jpg[/img]


ونحط الخلطه فوق الطبقه السابقه اللي كانت البطاطا ..

[img]http://www.3roos.com/up3/shaorma7.jpg[/img]

نرش على الوجه شوية سماق
و ناخذ خبزه نقطعها لمربعات .. اما نقليها او نشويها داخل الفرن
ونحطها على الوجه كآخر طبقه ..

السلطه شوي دسمه وتشبع .. ممكن تسوينها على العشا بروحها [/size]